Rekstrarþjónusta fyrir húsfélög
Húsfélagið ykkar veit hvað er í sjóðnum. Það sem enginn reiknar er hvort það dugi fyrir því sem er framundan. Húsbrú heldur bókhaldinu í rauntíma og notar það til að svara þeirri spurningu.
Þjónustuleið 1
„Gott bókhald er grunnur góðra gagna.“
Allt sem gjaldkeri gerir: innheimta, greiðslur, afstemming og kostnaðarskipting. Og það sem gjaldkeri hefur aldrei haft tíma til — að setja tölurnar fram svo stjórnin skilji þær.
Inn
Eitt bókhald
hægt að afstemma við banka daglega · kostnaður skiptist eftir eignarhlutum
Út
Yfirsýn hjálpar ykkur að setja upp sjálfvirka innheimtu húsgjalda. Greiðsla reikninga einfaldast: stjórnin fer yfir og samþykkir, og fastir reikningar fara á beingreiðslusamninga.
Í Yfirsýn eru tölurnar settar fram til að taka ákvarðanir — sjóðirnir, frávik frá áætlun og það sem er framundan.
Ársreikningur og kostnaðaráætlun fyrir aðalfund fylgja.
Yfirsýn stjórnar og eigenda
— og hvort það sé samkvæmt áætlun. Stjórnin sér reksturinn í heild. Hver eigandi sér sömu tölur, reiknaðar niður á sína íbúð. Enginn þarf að bíða eftir ársreikningi til að vita hvernig gengur.
Stjórnin sér
Hver eigandi sér
Innheimta
Innheimtan er sett upp einu sinni í Yfirsýn. Eftir það fer krafa í netbanka allra eigenda 1. hvers mánaðar. Greiðslur eru afstemmdar við bankann, svo enginn þarf að elta millifærslur.
Stjórnin sér hverja íbúð, hvað er greitt og hvað er ógreitt — í dag, ekki um mánaðamót.
Þjónustuleið 2
„Fundurinn sem endar á ákvörðun, ekki á þrasi.“
Við mætum, stýrum og ritum — og við komum með framsetninguna og gögnin. Ársreikningur, viðhaldsáætlun og sjóðshlutfall eru sett fram þannig að allir skilji hvað er verið að greiða atkvæði um.
Dagskrá aðalfundar
Húsfélagið Hlíðarvegi 4–12
Þriðjudaginn 14. apríl kl. 20:00 · fundarsalur Hlíðaskóla
Liður 4 er studdur tölu: sjóðurinn stendur í 41% af þörf næstu tíu ára. Tillagan færir hann í 58% fyrir 2030.
DæmiTilbúið húsfélag og tilbúnar tölur.
Fundurinn í Húsbrú
Svona lítur fundurinn út í kerfinu — það sem stjórnin gerir og það sem hver eigandi sér, skref fyrir skref.
Skref 1 af 5 · Undirbúningur
Stjórnin
Lögbundnir liðir koma sjálfkrafa. Ef kerfið er stillt þannig eru tillögur um húsgjöld og framkvæmdasjóð sóttar beint í áætlunina og viðhaldsáætlunina, með kostnaði og þeim meirihluta sem þarf.
Eigandinn
Sér síðar hvað hver tillaga kostar sína íbúð. Nýtt þak 2029 kostar 468 til 782 þús. kr. eftir íbúð.
Skref 2 af 5 · Fundarboð
Stjórnin
Boðað innan lögbundins frests í Húsbrú, tölvupósti, SMS eða á pappír. Stjórnin sér hverjir hafa opnað, svarað og veitt umboð.
Eigandinn
Sér húsgjaldið sitt fyrir og eftir tillögur og sinn hlut í hverju verki. Svarar eða veitir umboð með rafrænum skilríkjum.
Skref 3 af 5 · Á fundinum
Stjórnin
Mæting er skráð og atkvæði talin jafnóðum, eftir fjölda og eignarhlutum. Kerfið reiknar sjálfkrafa hvort tillaga er samþykkt, hvort sem hún þarf einfaldan meirihluta eða ⅔.
Eigandinn
Getur greitt atkvæði í símanum og sér niðurstöðuna á skjánum — líka hvers vegna tillaga fellur.
Skref 4 af 5 · Fundargerð
Stjórnin
Drögin verða til úr atkvæðaskrá og minnispunktum ritara. Stjórnin fer yfir og fundarstjóri og ritari undirrita rafrænt.
Eigandinn
Fær fundargerð í Húsbrúar-sniði innan tveggja sólarhringa: hvað var samþykkt, hvernig atkvæði féllu og hvað það þýðir fyrir húsgjöldin.
Skref 5 af 5 · Framfylgd
Stjórnin
Ný húsgjöld fara í innheimtu og framlag í sjóð í áætlun. Ef kerfið er stillt þannig fer þakið beint í viðhaldsáætlun. Stjórnin staðfestir allt sem snertir peninga.
Eigandinn
Sér nýja húsgjaldið frá 1. júní og stöðu hvers verkefnis — og á næsta fundi hvað varð úr fyrri ákvörðunum.
DæmiSýnihús, tilbúnar tölur.
Þjónustuleið 3
„Þið samþykkið. Við sjáum um restina.“
Tvennt ólíkt sem er keypt á ólíkan hátt — við gerum hvort tveggja, en aldrei fyrir þóknun frá verktakanum.
Þrif, snjómokstur, garðsláttur, sorp og smáviðgerðir. Tilboð sótt árlega og samningar á nafni húsfélagsins.
Þak, gluggar, múr og lagnir. Verklýsing skrifuð af okkur, að lágmarki þrjú tilboð, verkumsjón og úttekt í lokin.
Hvert verk er brotið niður í liði sem hægt er að staðfesta — ekki „gluggaskipti“ heldur gamlir gluggar fjarlægðir, nýir ísettir, þétting, frágangur, rusl fjarlægt. Kvittað er fyrir hvern lið með dagsetningu og mynd. Ef eitthvað er ekki í lagi er hægt að benda á nákvæmlega hvað það var — og reikningurinn bíður þangað til.
Gátlisti — gluggaskipti, austurhlið
3. áfangi af 4 · Tréverk ehf.
Vantar þéttingu að utan við þrjú opnanleg fög — íbúðir 0203 og 0303. Mynd fylgir. Sent á verktaka 18. sept, frestur til 25. sept.
Reikningur upp á 4,6 m.kr. bíður þar til liður 3 er kláraður.
Ekki samþykktur
DæmiTilbúið verk og tilbúinn verktaki.
Endurgreiðsla virðisaukaskatts af vinnu á byggingarstað er engin nýlunda — en fæstir bera tilboðin saman eftir hana. Tilboð með meiri vinnu og minna efni getur verið ódýrara þegar upp er staðið.
Við þiggjum ekkert frá þeim sem bjóða í verkið. Stjórnin sér öll tilboð eins og þau koma inn, með okkar mati við hliðina.
Yfirsýn · fylgir öllum leiðum · sýnidæmi
Sama bókhald, sett fram fyrir þá sem þurfa að nota það. Stjórnin sér reksturinn; hver eigandi sér sinn hlut og hvert peningurinn fer. Við innskráningu er notast við auðkenningu Kenni, sem styður meðal annars rafræn skilríki.
Staðan er afstemmd við banka daglega. Engin bið eftir mánaðamótum.
Áætlunin endar í mánaðargjaldi hverrar íbúðar. Sama tala stendur í tillögunni, fundarboðinu og kröfunni.
Frávik, þróun kostnaðarliða og samanburður við áætlun — reiknað jafnóðum.
Tíu ára tímalína með kostnaði og ein tala sem segir hvort sjóðurinn dugi.
Hver eigandi sér sínar greiðslur, sinn hlut og í hvað húsgjöldin fara.
Fundargerðir, ársreikningar, eignaskiptayfirlýsing og verksamningar á einum stað.
Sýnidæmi opnast í nýjum glugga — sýnihús með tilbúnum tölum, ekki raunveruleg gögn úr neinu húsfélagi. Þið getið smellt ykkur um og séð nákvæmlega hvað stjórn og eigendur sjá.
Viðbótarþjónusta
Ein tala sem enginn hefur reiknað fyrir ykkur.
Hver byggingarhluti fær aldur, ástandsmat og ár. Út úr því kemur tímalína með kostnaði — og sjóðshlutfallið, sem er sú tímalína borin saman við hússjóðinn.
Samtals 2027–2031: 30.100.000 kr. · hlutur íbúðar með 4,17% eignarhluta: 1.255.200 kr.
Skoðunin er unnin af utanaðkomandi fagaðila. Hver byggingarhluti fær einkunn á kvarðanum 1–5.
Ártöl og kostnaður eru metin út frá viðurkenndum tölum um endingu og stöðluðum byggingarkostnaði. Þetta er mat, ekki verkáætlun.
Þetta er hlutinn sem enginn gerir í dag. Þar verður sjóðshlutfallið til.
Afhent á stöðluðu sniði hvenær sem er. Uppsagnarfrestur þrír mánuðir.
Við tökum við vinnunni, ekki ábyrgðinni. Engin greiðsluheimild nema þið veitið hana.
Segið okkur frá húsinu. Við svörum með tilboði innan tveggja virkra daga og förum yfir það með ykkur hvaða leið á við — Fjármálin, Fundurinn eða Þjónustan. Ef þið viljið komum við og kynnum tilboðið fyrir stjórninni. Engin skuldbinding fylgir beiðninni.
