Rekstrarþjónusta fyrir húsfélög

Sömu tölur, ný svör

Húsfélagið ykkar veit hvað er í sjóðnum. Það sem enginn reiknar er hvort það dugi fyrir því sem er framundan. Húsbrú heldur bókhaldinu í rauntíma og notar það til að svara þeirri spurningu.

Fá tilboð Sjá hvernig þetta virkar

Yfirsýn-skjár: rekstur húsfélagsins á móti samþykktri áætlun, staða innheimtu og staða hússjóðs. — Yfirsýn — rekstur á móti samþykktri áætlun og staða innheimtu. Tölur úr sýnishúsi.

Þjónustuleið 1

Fjármálin

„Gott bókhald er grunnur góðra gagna.“

Allt sem gjaldkeri gerir — og það sem gjaldkeri hefur aldrei haft tíma til. Innheimta, greiðslur, afstemming og kostnaðarskipting fara inn í sömu vél.

Inn

Húsgjöld kröfur og boðgreiðslur

Reikningar frá verktökum og birgjum

Bankafærslur sóttar á hverjum sólarhring

Eignaskiptayfirlýsing hlutfallstölur hverrar íbúðar

Rauntíma bókhald

afstemmt við banka daglega · kostnaður skiptist skv. 43.–45. gr.

Út

Staða hússjóðs afstemmd, ekki áætluð

Mánaðarskýrsla send stjórn sjálfkrafa

Ársreikningur og kostnaðaráætlun

Sjóðshlutfall á móti viðhaldsáætlun

Vanskil og lögveðsfrestur

Yfirsýn fyrir stjórn og eigendur

Allt sem fer inn er bókað jafnóðum; allt sem kemur út er reiknað af sömu færslum. Þess vegna stangast tölurnar aldrei á — og þess vegna getur mánaðarskýrslan farið út sjálfkrafa.

Kröfur stofnaðar mánaðarlega með boðgreiðslu sem staðalvali. Reikningar birgja greiddir eftir samþykki stjórnar.

Mánaðarskýrsla fer sjálfkrafa til stjórnar — staða, frávik frá áætlun og það sem er framundan. Stjórnin þarf ekki að biðja um hana.

Ársreikningur og kostnaðaráætlun samkvæmt lögum um fjöleignarhús fylgja — en þau eru afurð bókhaldsins, ekki viðburður.

Þjónustuleið 2

Fundurinn

„Fundurinn sem endar á ákvörðun, ekki á þrasi.“

Við mætum, stýrum og ritum — og við komum með framsetninguna og gögnin. Ekki minnisblað sem einhver skrifaði kvöldið áður, heldur ársreikningur, viðhaldsáætlun og sjóðshlutfall sett fram þannig að íbúar skilji hvað er verið að greiða atkvæði um.

Aðalfundur boðaður innan lögbundins frests, 8–20 dagar
Framsaga og myndefni undirbúin af okkur — tölurnar útskýrðar, ekki bara lagðar fram
Fundarstaður útvegaður, fundarstjórn og fundarritun
Fundargerð send innan tveggja sólarhringa
Tillaga um húsgjöld lögð fram með áætluninni á bak við sig

Dagskrá aðalfundar

Húsfélagið Hlíðarvegi 4–12

Þriðjudaginn 14. apríl kl. 20:00 · fundarsalur Hlíðaskóla

Skýrsla stjórnar
Ársreikningur 2025 lagður fram til samþykktar
Viðhaldsáætlun 2026–2035 og sjóðshlutfall
Ákvörðun um húsgjöld — tillaga stjórnar 24.800 kr. á íbúð
Kosning stjórnar

Liður 4 er studdur tölu: sjóðurinn stendur í 41% af þörf næstu tíu ára. Tillagan færir hann í 58% fyrir 2030.

Þjónustuleið 3

Þjónustan

„Þið samþykkið. Við sjáum um restina.“

Tvennt ólíkt sem er keypt á ólíkan hátt — við gerum hvort tveggja, en aldrei fyrir þóknun frá verktakanum.

Reglubundið

Þrif, snjómokstur, garðsláttur, sorp og smáviðgerðir. Tilboð sótt árlega og samningar á nafni húsfélagsins.

Stórverk

Þak, gluggar, múr og lagnir. Verklýsing skrifuð af okkur, að lágmarki þrjú tilboð, verkumsjón og úttekt í lokin.

Samningar með mælanlegum árangri

Hvert verk er brotið niður í liði sem hægt er að staðfesta — ekki „gluggaskipti“ heldur gamlir gluggar fjarlægðir, nýir ísettir, þétting, frágangur, rusl fjarlægt. Kvittað er fyrir hvern lið með dagsetningu og mynd. Ef eitthvað er ekki í lagi er hægt að benda á nákvæmlega hvað það var — og reikningurinn bíður þangað til.

Gátlisti — gluggaskipti, austurhlið

3. áfangi af 4 · Tréverk ehf.

Lokið: Gamlir gluggar og fög fjarlægð 14. sept
Lokið: Nýir gluggar ísettir, festir og skorðaðir 16. sept
Þétting með þanbandi og kítti að utan athugasemd
Vantar þéttingu að utan við þrjú opnanleg fög — íbúðir 0203 og 0303. Mynd fylgir. Sent á verktaka 18. sept, frestur til 25. sept.
Lokið: Sólbekkir og frágangur að innan 18. sept
Lokið: Gamalt gler og rusl fjarlægt af lóð 18. sept
Þrif á sameign eftir verk bíður

Reikningur upp á 4,6 m.kr. bíður þar til liður 3 er kláraður.

Ekki samþykktur

Endurgreiddur VSK reiknaður inn í samanburðinn

Endurgreiðsla virðisaukaskatts af vinnu á byggingarstað er engin nýlunda — en fæstir bera tilboðin saman eftir hana. Tilboð með meiri vinnu og minna efni getur verið ódýrara þegar upp er staðið.

Engin þóknun frá verktökum

Við þiggjum ekkert frá þeim sem bjóða í verkið. Stjórnin sér öll tilboð eins og þau koma inn, með okkar mati við hliðina.

Yfirsýn · fylgir öllum leiðum · sýnidæmi

Full yfirsýn, uppfærð daglega

Sama bókhald, sett fram fyrir þá sem þurfa að nota það. Stjórnin sér reksturinn; hver eigandi sér sinn hlut og hvert peningurinn fer. Innskráning með rafrænum skilríkjum um island.is.

Rauntímagögn

Staðan er afstemmd við banka daglega. Engin bið eftir mánaðamótum.

Mánaðarskýrsla

Send stjórn sjálfkrafa: staða, frávik frá áætlun og það sem er framundan.

Fjárhagsgreining

Frávik, þróun kostnaðarliða og samanburður við áætlun — reiknað jafnóðum.

Sjóðshlutfall og viðhaldsáætlun

Tíu ára tímalína með kostnaði og ein tala sem segir hvort sjóðurinn dugi.

Mín hlutdeild

Hver eigandi sér sínar greiðslur, sinn hlut og í hvað húsgjöldin fara.

Skjalasafn

Fundargerðir, ársreikningar, eignaskiptayfirlýsing og verksamningar á einum stað.

Mín staða í Yfirsýn: greiðslan skiptist í húsgjöld og framkvæmdasjóð, og húsgjöldin eru sundurliðuð. — Mín staða — greiðslan skiptist í húsgjöld og framkvæmdasjóð, og húsgjöldin eru sundurliðuð. Tölur úr sýnishúsi.

Opna Yfirsýn sýnidæmi (opnast í nýjum glugga)

Sýnidæmi opnast í nýjum glugga — sýnihús með tilbúnum tölum, ekki raunveruleg gögn úr neinu húsfélagi. Þið getið smellt ykkur um og séð nákvæmlega hvað stjórn og eigendur sjá.

Kjarninn

Viðhaldsáætlunin

Ein tala sem enginn hefur reiknað fyrir ykkur.

Hver byggingarhluti fær aldur, ástandsmat og ár. Út úr því kemur tímalína með kostnaði — og sjóðshlutfallið, sem er sú tímalína borin saman við hússjóðinn.

Viðhaldsáætlun í Yfirsýn: ástandsmat byggingarhluta, kostnaður á tímalínu og spá um stöðu framkvæmdasjóðsins. — Viðhaldsáætlun — ástandsmat, kostnaður á tímalínu og spá um stöðu framkvæmdasjóðsins. Tölur úr sýnishúsi.

Við spáum ekki fyrir um þakið. Við látum skoða það.

Ástandsskoðun

Byggingarfróður maður fer yfir húsið og gefur hverjum byggingarhluta einkunn á kvarðanum 1–5.

Líftími og einingaverð

Viðurkenndar tölur um endingu byggingarhluta og staðlaður byggingarkostnaður — ekki ágiskun.

Borið saman við sjóðinn

Þetta er hlutinn sem enginn gerir í dag. Þar verður sjóðshlutfallið til.

Hvað bætist við

Húsfélög á Íslandi eru almennt vel þjónustuð í bókhaldi og innheimtu. Við gerum það líka — en látum ekki staðar numið þar.

Spurning stjórnar	Svarað í dag	Með Húsbrú
Hvað á félagið í sjóði?	Já	Já Já — eins og í dag
Hver skuldar?	Já	Já Já — eins og í dag
Fæst VSK af viðhaldsvinnu endurgreiddur?	Já	Já Já — eins og í dag
Hvernig gengur reksturinn í þessum mánuði?	Á ársgrundvelli	Mánaðarskýrsla og frávikagreining
Hvað þarf að gera næstu tíu ár?	Nei	Ástandsmat og tíu ára áætlun
Dugar sjóðurinn fyrir því?	Nei	Sjóðshlutfall, reiknað
Hver húsgjöld þurfa að vera?	Nei	Leidd af áætluninni
Var verkið unnið eins og um var samið?	Nei	Gátlisti staðfestur fyrir greiðslu

Efstu þrjár línurnar gerir þjónustan sem þið eruð með í dag, og gerir vel. Við bætum við hinum fimm.

Þið eruð að fara með fé annarra

Starfsábyrgðartrygging

Frá fyrsta viðskiptavin, ekki þegar eitthvað gerist.

Skráð hjá Skattinum

Tilkynningarskyldur aðili með regluvörð, eins og lög nr. 140/2018 krefjast.

Gögnin eru ykkar

Afhent á stöðluðu sniði hvenær sem er. Uppsagnarfrestur þrír mánuðir.

Stjórnin ræður áfram

Við tökum við vinnunni, ekki ábyrgðinni. Engin greiðsluheimild nema þið veitið hana.

Byrjið á áætluninni

Við látum skoða húsið og gerum tíu ára áætlun með sjóðshlutfalli. Skoðunin er seld sér og á kostnaðarverði — þið eigið hana og áætlunina, hvort sem þið veljið okkur í framhaldinu eða ekki.

Fá tilboð í þjónustuna